2011/05/31

OLMUÉ (Txile): WOSONOS 2011 (urriak 19-22), izan behar zuen tokian :o)

Tsss, tsss,... badakizu Espazio Irekiko aditu eta zalek osatutako talde handi bat urtero elkartzen dela WOSONOS (World Open Space  on Open Space) delakoaren karietara? Jakin bai, aurten non den egitekoa? Olmué ederrean, ba (Txile, urriaren 19-22)! Lagun handi bi dira antolaketa taldean: Juan Luis Walker eta Pablo Villoch, eta bertan izatekoa bazara, lasai, beste lagun asko egingo dituzu eta, bertan, ziur egon !

Hauxe da aurtengo munduko topaketarako gonbidapenaren muina: zeintzuk dira Espazio Irekiko Teknologiaren erronka eta aukera nagusiak Amerika Latinoan eta mundu osoan zehar? 

Espazio Irekiari buruzko jakinmina eta ikasmina izanez gero edo talde handien bileretarako teknika hau erabili ohi baduzu, oso aukera aparta da hau! Iaz Berlinen (WOSONOS 2010) izan ginen eta hango ekarpen nagusia zein izan ote zen? orduan halantxe pentsatu genuen eta orain ere horretan gaude... han egotearen eta bertako jendearekin izandako hainbeste elkarrizketen eta bizipenen gorakada! Open space spirit, esan ohi diote :o)!

Hemen info gehiago: www.wosonoschile.cl

Txi, txi, txi, le, le, le, gora Juan Luis Walker eta hango lagun handiak!

Eleder BuM31    Mind Mapping-Open Space Technology-Zor-o-mena :o)

2011/05/27

oração (maitasun otoitza)


Esker mila lagun eutokiarrak, a banda mais bonita da cidade-ren gauza eder hau tuiteatzearren!

Behin Curitiban izan ginen. Argentinarako bidaia zen eta Iguazurako bidea handik tolestu behar genuela erabaki genuen, Brasil hegoaldeko toki hark hirigintza arloan zuen ospeagatik...

"A banda mais bonita da cidade" ikus-entzunda bertara itzuli  gara eta hiri hartatik alde egin aurreko bezperan barruan genuen saudade puntua piztu jaku barriro.

Oração

Meu amor essa é a última oração
Pra salvar seu coração
Coração não é tão simples quanto pensa
Nele cabe o que não cabe na dispensa
Cabe o meu amor!
Cabe em três vidas inteiras
Cabe em uma penteadeira
Cabe nós dois
Cabe até o meu amor
Essa é a última oração pra salvar seu coração
Coração não é tão simples quanto pensa
Nele cabe o que não cabe na dispensa
...
Maitasunari gorazarre. Argia, energia, maitasuna,... horixe ei gara eta. Hori guzti hori, hori baino ez.

Eta goraka eta goraka haziz, zabalduz, espazioa irekiz doan kantuan behin eta berriz erretolika bardina errepikan, errezuan,... baina gero eta oparoago, aberatsago,...

"Ze geau esan biup´pa?"

Goza egun euritsu eder hau, goza bizitza!


Eleder BuM31    Mind Mapping-Open Space Technology-Sormena

2011/05/24

Mapaburua (armariotik at III :o)

...eta hauteskunde eguna etorri zen, eta oso neska polita ikusi nuen hautagai-talde baten argazkian, eta "buru-maparik ez egin, behintzat, denok zure lepotik barre egingo dabe eta herri txiki honetan" entzun nion lagun on bati eta, kokilduta, benetan egin nahi nuen buru-mapa hurrengorako utzi, eta lehen ere antzean egin izan dut azken hauteskundeetan, eta eguenean kanpaldi aurreko asanbladan izanda eta larunbatean ere mundaka-bilbo-mundaka (9:30-3:00) trenezko labur bat egiteko premia sentitu nuen, eta han ikusi nituen kantari eta olerkari (espainolez), eta azkenean, irudi honetan agertzen denak laburtzen du mapaburu/artaburu xume honek bozkatzeko (gauzak konpontzeko/ bideratzeko/iraultzeko,... :o) zeukan aukerarekin egin zuena

eta esango duzu, beharbada? "oso tronpatua zaude, inozo hori, hari edo honi eman behar zenion, honegatik eta horregatik"... eta nik esango diet, "beharbada honek eta hark eta zuk zeuk neure antzean egin izan bazenute, hori zen aukera hobea,..." nork jakin?

ondo sentitu zara zure aukera egitean? ni neu bai, eta hurrengoan buru-mapa ederrago bat eginda, hobeto izango naizelakoan...

ondo bizi!

 Eleder BuM31    Mind Mapping-Open Space Technology-Sormena

pd: inoren dezepziorik edota aurkako ekintzarik ez jasotze aldera, zuzendu behar nuke, beharbada benetan ez dodala holango mapaburukeriarik egin eta zintzo-zintzo bozkatu dodala bozkatu beharrekoa,... egia esan ez dot ondo gogoratzen ahal... :o)

2011/05/20

VIVE la RÊVO :o)! Bilboko kanpaldian ale batzuk ideia erauntsirako

Telebista-meta bat bildu dezakegu espazio publikoan eta gure ahalmen artitstikoena erabiliz desmanipulazioaren eskultura izan zitekeena sortu askoren artean...

Atzo Bilboko kanpaldiaren aurreko asanbladan lehenengoz eta oso gustora: energia asko, zentzun handia eta armonia nagusi,... espainolez. Salbuespena: emakume batek dotore eta gartsu hartu zuen hitza eta euskera ederraz botatzekoak bota, emakumeen eta euskararen alde, besteak beste. Chapeau!

Mikroak denbora gehiena okupatuta, gizonek, oso hein handi baten ("macho iberico" rol horren aurkakoak entzun baditugu ere). Nik ere hitza eskatzeko tentaldia izan dut,...  baina, beste ar bat? Geroko utzi dot eta hona dakartzat ideia batzuk, atzo giroaren berotan sortu ziren modu-moduan, ezer askorik leundu barik,....zenbakiz jarriak daude, baina inongo ordenik adierazi nahi barik.

1. Mugimendu honek zentzua badu orain arte, baina ideien eta hitzen munduan batez ere. Proposamen batzuk ere bota izan dira ekintzarako, banka etikora sosak aldatzearen aldekoa, kasu,... baina orokorrean bestelako ideia batzuen premia somatu dut: taldeak jada egingarri dituen ideiak (edo ekingarri, hasigarri, behintzat), distiratsuak, sinpleak, kutsagarriak, ilusio pizgarriak, zer izan nahi dugun argi uzten dutenak, alternatibak gauzatuz,... lehenengo etorri zaidana, buruan aspaldi darabildana: Bilbon bertan jendeak erabiltzeko ortu irekiak sartu behar ditugu ja: aisialdia, osasuna, komunitatearen bilgune, elikadura, kontzientzia, natura, umeen hezkuntza,.... Auzo berrietan eta oinezko egiten diren kaleetan ohikoak diren baldosa triste horiek? Ez, mesedez, altxa ditzagun eta ortuari ekin. Badakizue, Madrilko talde horren izenak iradokitzen duena (BAH! = bajo el asfalto está la huerta!). Noski, ideia sinple honen lehengusua: bilbo arbolak badaude, baina horietako zenbat fruta-arbolak? Zergatik ez guztiak eta gehiago? Galdera hori egin izan dudanean jasotako erantzun ahulak (jendeak burrukan egingo luke fruituak biltzeko, errespeturik ez dugu, kalera jausi eta "lohitu",...) gorde, bai?

2. Epe luzeragorako, baina ja herritarrok hartzeko: Ibaizabal garbia izateko egin beharrekoak arinagotzea. Erreka, ortuaren moduan, komunitatearen bilgune, kontzientzia, natura, umeen hezkuntza, aisialdia, osasuna,....Zer egin behar/ahal dugu ja gure bizimoduaren egokia izango den errekaren garbitasunera itzultzeko? Nola egin hori mundu osoko erreka, ibai eta herri guztiak ere kontuan hartuta? Zer lantegi itxi behar ditugu orain? Zeintzuk egokitu? Zer gehiago egin behar dugu orain?...

3. Helburu horren aldekotasuna aldarrikatzeko ekintza sinplea eta indartsua: igandean goizeko 11etan (9:30ak aldera itsasgora da) Bilboko zubietatik Ibaizabalerako jauzi kolektiboa. Inguruetako biztanleen artean dutxatzeko aukera antolatzea komeni, beharbada :o)?
4. Zerrenda bat: 7 kaleetan paseotxoa egin eta begiratu, kontzientzia ariketa gisa: dauzkagun komertzio guztietatik zenbat ditugu ezinbestekoak eta zenbat "aurrerabidearen" eta kapitalismoaren edo beharrizan faltsuen itzalpean sortutako hutsalkeriak? Adibidea: tabernak, beharrezkoak dira (horrenbeste)... edo gure sozilizatzeko, dibertitzeko eta jan-edateko modua kalean bertan izan genezakeen askoz modu eraginkorragoan (planeta osoa kontuan hartuz, esan behar ote da oraindik!)? Bitxi-dendak? Zenbat jantzi-denda behar dugu?...

Beste zerrenda bat, paseorik barik hau: ditugun lantegietan eta lantegien barruan egiten diren zereginetan, zenbat dira ezinbestekoak eta zenbat hutsalak?

Egin beharrekoak pentsatzea ondo dago eta adosten edo denean asmatzen zaila izan daiteke batzutan, baina askoz errezagoa da erabakitzea (eta lehenestea, beharbada) zer egiteari utzi behar zaion. Askoz "lan"-ordu gutxiagoz bizi den gizartera joko dugu. Orduan aisialdi ordu asko izango ditugu eta ikasi beharko dugu nola horiek modu orekatuan erabili: Ibaizabalen uger? bazterrean etzanda? kantari? kontari? maitari? ortuan?... hortxe koxka!

5. Jendea munduko edozein bazterretan ibiltzeko, bizitzeko, bozkatzeko, lan egiteko,.... hesiak bota, juridikoak zein fisikoak. Hain zaila eta luzea izan daiteke honelako proposamen bat mundu osoan gauzatzea? Zer egin daiteke kanpaldian hori mundu mailan abiarazteko?

6. Komunikabideekiko harremanetarako arduradunak... kezka agertu zen atzoko bilkuran. Nola egin dezakegu hori modu desentralizatu baten? Arduradunik izendatu gabe. Medioak etorri daitezke eta zer egiten den eta nola kontatu dezakete. Manipulatu dezaketela? Jendea ez da horren kokoloa. Manipulazioarekiko  eta komunikabideekiko ekintza kolektibo eder bat nahi? Bildu ditzagun Moyua plazan (zergatik ez, hantxe, erdi-erdian, alderdi dirutsuagoan, banketxeen artean, Ministerioaren eta Gobernu Zibilaren -bide batez, des-okupatzeko moduko eraikin klabe bat, ez da?- :o) etxeko telebista aparailuak meta handi-handi bat egiteko, to des-manipulazioa! to askatzea :o)! Des-manipulazioaren aldeko eskultura egin dezakegu, metatutako horri ahalik eta izaera artitstikoena emanda.

7. Jakina, Espazio Irekia (Open Space Technology) giro honetan oso aproposa izango da. Eta gu laguntzeko prest, jakina!

Uste dut orain adostasun zabala eta kontrakotasun urria duten ekintzak erabaki eta burutu behar direla laster. Horrek erakutsiko du zer den mugimendu hau eta antolaketa, bizitzako sistemetan bezala, berez berez sortuko da bidea ibili artean.

Bizi bizi!

 Eleder BuM31    Mind Mapping-Open Space Technology-Sormena

pd: blog honen muinetik alde egin dudala urrunegi (hemen honen ildoko beste bat, espainolez: INNOVACIÓN "SUCIAL") eta gainera hanka sartuz eta sinpleegi agertuz? c´est la vie, c´est la rêvo :o)!

2011/05/09

HEZKUNTZA AMESGAI Espazio Irekian (Donostian, 2011ko uztailaren 4, 5 eta 6an)

HEZKUNTZAREN ETORKIZUNA AMESGAI, EKINGAI:
NOLA HEZIKO DITUGU HURRENGO BELAUNALDIAK?
(Donostian, 2011ko uztailaren 4tik 6ra, Espazio Irekian)

Adiskide, hezitzaile eta ekintzaile; guraso, kulturgile, administrazioko arduradun, ; auzotar eta ikertzaile; ikasle, zientzialari eta artista, artzain, koblakari, kanpalari zein kaleko lagun hori...


...egun on! 
    


Uztailak 4-6, topaketa polita Donostian, 2 egun t´erdi Espazio IrekianEzin uka rol garrantzitsua jokatzen duela hezkuntzak bizitzan, eta komunitateen, herrien eta munduaren bilakaeran...

Hausnartu eta eztabaida dezagun hezkuntzaz.

Zer hezkuntza behar du gizabanakoak? Eta gizarte deitzen dugun horrek? Zer-nolako garrantzia hartu behar dute kulturak, sustraiek, arteak eta mitologiak gizakiaren garapen existentzialean?

Nola irudikatzen dugu hezkuntza eragilea etorkizuneko gizartean? Zertan ari gara asmatzen? Zertan ez horrenbeste? Semea/alaba eskolara bidaltzen duzunean, zer espero duzu? Jokoz kanpo geratzen ari al da eskola? Eskola eta gizartearen arteko harremana: noiz, noraino, nola, zertarako ireki?  

Zer amets ditugu hezkuntzaren gainean?

Horiek dira buruan darabilzkigun galdera batzuk, baina gunea eta unea eskaini nahi dizkizugu zeure galderak izan daitezen benetan garrantzia dutenak. Zure ideia eta gogoetak hezkuntzako beste aritu eta adituekin partekatzeko parada eskaini nahi dizugu. HIK HASIk mahai baten bueltan elkartu nahi ditu hezkuntzari buruzko kezkak, proposamenak eta pasioa dituzten hezitzaile, aditu, sortzaileak...


Non: Donostiako Santo Tomas lizeoan Antolatzailea: HIK HASI (euskal heziketarako egitasmoa) Laguntzen eta bideratzen: Eleder Aurtenetxe (BM 31) 
Noiz: Uztailaren 4an (9:00-17:00), 5ean (9:00-17:00) eta 6an (9:00-13:30). Bazkariak bertantxe. Edozein unetan sartu edo atera zaitezke jardunaldietatik, haririk galdu gabe.
Matrikula: 60 € (30 € Hik Hasiko harpidedunek), otorduak barne
Izen-emateak eta informazio gehiago: www.hikhasi.com (01: FORO BEREZIA: Nola hezi  hurrengo belaunaldiak?) 943.371.408/615.700.510;   gida@hikhasi.com  
Edozein beharrizan izanez gero jakinaraz iezaguzu, arren.
Donostian lo egiteko asmoa? “Tximistarri” pentsioa: 943.218.801 (Igeldon) eta “La Sirena” aterpetxea (Ondarreta hondartzatik gertu, Igeldoko bidean): 943 310 268 www.donostiaalbergues.org .

Metodologia: Espazio Irekiaren Teknologia (Open Space Technology) parte-hartze, bizitasun eta sormen handia, modu autoeratuan. Topaketan zeha parte-hartzaileok
- Nahi dugun gai oro mahai gaineratuko dugu
- Gai horietaz solastuko gara nahi bezain sakon.
- Solasaldien idatzizko txostena osatuz joango gara, ikusgai izango dugu etengabe, eta amaitxean e-postaz jasoko dugu.
- Gerora heldu beharreko gai nagusiak bereiziko ditugu eta ekin beharreko hurrengo  urratsak definituko ditugu, lehentasunak ezarriko eta lantaldeak eratuko.
 
Gurekin amets egitera gonbidatzen zaitugu, hausnartu, eztabaidatu eta bide berriak zabaltzera. Amets horiek puxiketan sartuko ditugu, puxikak zerura askatuko ditugu, eta haien atzetik abiatuko gara, pausoz pauso, eta txango horretara gonbidatuko ditugu Euskal Herriko hezitzaileak.  

Ba al zatoz?

HIK HASI euskal heziketarako egitasmoa 
Joxe Mari Auzmendi, Udako Topaketen koordinatzailea

Ondo bizi!


Eleder BuM31    Mind Mapping-Open Space Technology-Sormena
www.bilbohiria.com/gaika/berbaz (irrati elkarrizketak)


BURU-MAPA BATEN ISTORIOTXOAK eta IKUSPEGI KOMUNITARIOA

Duela urtebete edo, Berlinen izan ginen Espazio Irekiko mundu mailako aditu eta aleen urteroko topaketan (WOSONOS: world open space on open space. 2011koa Txilen izatekoa, eta antolaketa taldean bertan bizi dan Pablo Villoch laguna ere bai).

Handik oso argi ekarri nuen espazioa irekitzen jardun nahi nuela etorkizunean. Praktika moduan egitea proposatu nion EDEko jendeari... eta apirilaren 6an, Bizkaiko Hirugarren Sektorearen Behatokiko Raúl Castillorekiko elkar-lanean Espazio Irekiko egunbetekoa bizi genuen. 40 lagun inguru bildu ginen gai honen harira: Nola txerta daiteke ikuspegi komunitarioa gizarte indibidualizatu baten?

Enkargua biribiltzeko, han jasotako aktak irakurri eta buru-maparatzea hartu nuen nire gain.

Eta goiko irudi horretara heldu gara, (noizbait esan behar eta...:-) kito! esan orduko. Jarraian enkarguaren  osteko balantzean zifrak eta iruzkin batzuk:

1. Zifra batzuk jarraian:
  • Denbora:  testuak (14 bileretako aktak) irakurtzen, azpimarratzen, berrirakurtzen eta lehenengo zirriborroa egiten: 10 ordu  +++  kolorezko buru-mapa osatzen: 5 ordu
  • Jatorrizko testuaren luzera: 20 orrialde inguru.
  • Buru-maparen tamaina: DIN A3
2. Iruzkinak: Kosta egin zait lan honetan zentratzen (astebeteko atzerapena esandako epetik, epea malgua zen arren)... Buru-mapak egiten poz-pozik ibili arren...zergatik?  laburtutako txosten horien jatorri izan zen ekitaldiaren ostekoa zelako, idatzi horiekiko distantzia emozionala, buru-mapak niretzat ez beste inorentzat zerbait aportatuko ote zuen zalantzagatik, atxikimendu bizi-bizirik gabeko enkargu amateurra zelako, eta azken egunotan eguraldi ederra izan eta beste gauza asko egiteko gogoa bizi-bizi dugulako ere bai, zertarako uka?

Baina hori esanda, egiteko prozesua niretzat ere aberasgarria izan da, prozesu beragatik eta edukiak finlkatu ditudalako. Honelako enkargu bati heltzen diodan lehenengo aldia da hau.

Bide batez, hasi gara itsasoan bainatzen?

Dzanga bizkor uretara, inertziaz, sobera eta ezer onetarako ez egin ohi ditugun lanak alde batera utzita :-)!!!


 Eleder BuM31    Mind Mapping-Open Space Technology-Creativity

CARING FOR A HUMAN: Tony Buzanen buru-mapa bat

Astiro begiratzekoa, teknikagatik eta edukiagatik, Tony Buzanek egindako buru-mapa hori. Iturria: http://www.mindmapart.com/caring-for-a-human-mind-map-tony-buzan .  

Tony Buzan bera da "The mind map book" liburuaren egilea eta bertan proposatzen du Barry anaiarekin batera penstamendu eta sormen teknika hau zehaztasun handiz.

Ondo bizi!

 Eleder BuM31    Mind Mapping-Open Space Technology-Creativity